Horseed dumarbaa tahay
Hadal dabacsanantiyo naxariista
Huga kuu ah Haybad wacanbad
Haween Ku dhaafto Habsamida dhaqankiyo
Hiilka waalidkiyo Hawlkarnimadaa
Hibo eebe kuu siiyo Qof loo
Hilooba tahee rabi kuu hirgali
Hammigaad qorshayse Hadaf kuu ah Nolosha.
Horseed dumarbaa tahay
Qurux Haldhaa iyo daa'uus mid
Hantidaa Tahay adigu dhamays waxaa tahay
Hubqaad wacanoo ragba Halkad Joogtay
Hayaan uguso jiraan Hal eray ruuxad tidhaana
Hogol daroortad sideedi u qoysa kashiiso ma
Hadhsado jacayl ma Hurdo daraada Hodaney
Hoy qof lala degaa tahay kalgacayl lagu
Habaa tahay Hoobaan bislaato nafta lagu qabooja tahay Horseed dumarbaa tahay Hodaney Hilinka Guusha tahay.
Horseed dumarbaa tahay
Hanka ruux ka deeqasiyaa tahay
Hodanbad ku tahay Gobonimada
Cisi iyo sharafbaad ku Hagoogantahoo
Magan ruuxa kaa Helaana
Hilmaan Rafaadku soo maray.
Horseed dumarbaa tahay
Hoodalay waxad tahay ayaan badan ma
Hiiftid ruuxii ku doonto naftiisuyo
Halbeega carabkaagan lihi ma
Hareer maro erayada Hawraarta wacaniyo
Murtida intii Haboon si Hufan baad u tidhaa.
Horseed dumarbaa tahay
Nolosha qof Heetiyo Haleelen Duruufuhu
Gargaar mid u Hurtaa tahay
Hanfigiyo dhibaatada Holoca ka baxaayana
Way ku Huriyaan Adigoo Hodaney
qalbi damqadad Haysata Adigu.
Horseed dumarbaa tahay
Hormuudbad u tahay Haweenko aqoonta ku
Hagaysaad ku dhaaftay Qayrkaa inta duni
Halawdee dhalin la Halaage
Hagardaamo Dhacaysana rabibaa kaa
Hadeeyo kugu Hagaajay Diinte
Hadafkaaga aakhiro ka yeel
Hoygaaga diin ka yeel Hubkaga iiman ka yeel
Ku Hammi firdawsiyo Halka aakhiro uroon.
Erayada: Barkhad Hassan
Date:- 19/08/2019
Comments
Post a Comment