Inanyahay dabadaa haweenkaba waan ka durkaayo
Dibnahaba uma furo Iguma duxo hadalkodu
Dafdaftii horiyo waan daayay dookh raadiso
Mar hadad i dagtay marlabad dabin Ku dhici maayo
Digtooniban qabayo danaysatan iska difacaye
Miyaanad ogayn inan ka dawoobay cashaqa
Dorraad khaladkii dhacay dulqaadkan u lahaa
Damiirka diiday maanto Duugi maayo noloshayda
Kurbo Disha Maankaygana Ku Doorsan mayo farxdayde
Keliniman door bidee Miyanad ogayn inan ka dawobay cashaqa
Qalbigan dawobee dihaalki ka raystay
Damqashan ka dhawrayo
Sidi dhalaan an dibad baran waan daryeelayo
Dakhar labad la doonan maaye
Miyanad ogayn inan ka dawoobay cashaqa
Walee mid igu dan gaadha naftayda dulaysa
Duruuf aan jirin kuso darta wayaha noloshayda
Kelmad usii dayn maayo waan ka daboolan afko
Daqiiqad siin maaye Miyanad ogayn inan ka dawoobay cashaqa
Dunidan halawdee Daadahayso Gaaladu
Dariiqoda mid raacda Facebook laga dugaashado
WhatsApp dul meeraran lagu daldalaayo beenta
Caqligeed dabri waayay diintana haleeli wayday
Daacadnimo dugsan wayday waan ka daalay aniguye
Miyanad ogayn inan ka dawoobay cashaqa
Sooyaalka taarikhda cilmi wixii dilay
Hodan ka daba geeyay Ku dayan maayo
Aniguyo anon doonayn jacayl diyaarna u ahayn
Qof dar-alle u fayow Ku daari mayo
Dareen aan jirin ku abuuri maayo
Nabsi inan dusha saarto awodi maaye
Miyanad ogayn inan ka dawoobay cashaqa
Dignintayda qaado dardaarankayga dhagayso
Dumarbaa tahay u dooran sharafo
Dadku waxay kugu qiimeyan hilib bisil inad tahee
Yaan lagu duufsano dabin yaan laguu dhigin
Danta noloshadiyo aayahaga danbana dadaalkoda
Beegso danbigan aad galaysiyo nafsigan aad daydayanayso diintada macan ha uga baydhino
Ha dumin noloshadan dhisane dib u day naftaada
Dunidan halawdayna dariiqeda ha aadine
Ducada walidkagiyo duruustod baratiyo
Cilmi duxa qalbigaga u dooro noloshada
_________________________________________________
Erayada: Barkhad Hassan
Comments
Post a Comment