Waajibaadka ilaahay ina saaray ee aynu ka tagnay waa salaadii, cibaadooyinkii iyo caabudidii ilaahay inakuna waxaynu u janjeedhsanay shakhsiyaadka aynu u shaqayno ama hawlo u qabanayno inaynu waajibaadkoodii horaysiino kii rabbina aynu ka tagno. Tusaale - waxaad ka shaqaynaysa meherad shaqadana qof ayaa kuu dhiibtay wuxuuna waajib kaa saaranyahay inaad ilaaliso dayactirto xisaabta ilaaliso si fiican u shaqayso bal kawaran hadaad tidhaa shaqada markaan doono ayaan imanayaa markaan doonana waan iska seexanayaa dee waa lagaa eryi shaqadaa xaqiiqada marka laga hadlana sida ugu wanaagsan ayaad u gudataa ugana soo baxdaa waajibkaa qofkaad u shaqaynaysa ku saaray balse maxaa kuu diiday inaad gudato waajibkii allihii adiga ku abuuray ku saaray oo aad shaqada cibaadada ka horaysiiso Bal salaada aynu ka kala tagayno ee kolba xiligaynu doono tukanayno haddana ilaahay uu kolba jaanis ina siinayo bal qiyaas qof marka aad shaqadaada sifiican u gudan waydo ku odhanaya ii dhaaf oo iiga tag meheradayda iyo allaha ku abuuray ee aad cibaadadiisa marna gudanayso marna ka tagayso ee hadana xiliwalba ku leh addoonkaygiiyow danbi dhaaf i waydiiso ii towbad keen. Qofwalba waxaa salaada dhaafiyay ayuu caabudayay ayay ka dhigantahay.
Sida aynu ugu dadaalayno inaynu shaqooyin fiican qabano si aynu lacag iyo adduun u tacabno aynu ugu dadaalno cibaadada ilaahay siduu ina faray inaynu u gudano si aynu u helno janno.
Waxaa xaqiiqo ah maanta inaynu badideenu casar kii shaqo tagno ogow oo duhur iyo casar inta u dhaxaysa waynu iska yara seexanaa kadib marka aynu soo kacno waxaynu ku degdegnaa shaqada si aynaan uga habsaamin halkaana waxaa inagaga tagta salaadii casar taasina waxay cadaynaysa inaynu waajibaadkii rabbi ilawnay oo shaqadii iyo adduunyadii horaysiinay.
-barkhad hassan
Saladu waa xadhiga inaga iyo Eebe Naga dhaxeeya, Alle kuwa siidaaya inaga dhigo, mahadsanid wll ❤️
ReplyDelete