Noloshu waxa ay u baahantahay halgan, dhabar adayg iyo adkaysi marwalba oo aad natiijooyinka hadafkaaga usii dhawaatana waxaa badanaya caqabadaha iyo marxaladaha adag ee aad nolosha kala kulmayso isla wakhtigaasna waxaa lagaaga baahanyahay in aad dadaalka sii laba jibaarto oo aanad is dhiibin, raadinta guusha ama rumaynta riyooyinku maaha wax sahlan waxaa dhici karta in aad talaabada koowaadba ku guul darraysato yoolkaaga ama waji kale aad kala kulanto nolosha wakhtigaasina waa marka aad u baahantahay samirka, dulqaadka, awooda iyo dhabar adayga guul darraduna waa jaran jarada aad ku gaadhayso guusha iyo hadafkaaga.
Marnaba ha is dhiibin ee halgan si aad u rumayso yoolkaaga iyo riyooyinka aad ku hamminayso in aad rumayso.
Dadka qaar marka ay guuldarraystaan waxa ay miciin bidaan calaacal, murugo iyo niyad jab waana ay ka samraan hadafkii ay dhibta badan usoo mareen oo waxa ay isku dhiibaan meel u dhaw rumawga hadafkaas Isla markaana ayba ka xigtay talaabo kaliya oo u baahnayd in ay u samraan uma dhabar adaygaan, taasina waxa ay u sababtaas in ay dib ugu laabtaan Isla halkii ay geediga kasoo bilaabeen kana quustaan yoolkoogii iyo riyooyinkii ay nolosha ka lahaayeen.
Taasina waa talaabo aan haboonayn in uu qaado qof doonaya hiraalka noloshiisa in uu ka dhabeeyo.
Marnaba ha ka quusanin rajooyinka iyo ujeedooyinka aad nolosha ka leedahay ee u halgan sidii aad u rumayn lahayd.
-Barkhad Hassan
Oct 28 2022
Comments
Post a Comment