Kicista xilli hore aroortii waxa ay la macno tahay in aad ka horayso qofwalba, xilli hore oo aad toostaana waxa ay ku siinaysaa faa'idooyin badan oo aad ku maarayso wakhtigaaga sida in aad samayso jimicsi, in aad dejiso qorshahaaga maalintaas, in aad hore u dhamayso hawlahaaga ganacsi ama shaqooyinkaaga nolol maalmeedka kuu ah iyo in aad wax soosaar naf ahaaneed samayso. Waa dariiqo aad u cajiib badan oo lagu gaadho guulo badan oo adduun iyo aakiro ah.
2- QOR AFKAARTAADA INTA AADAN SEEXAN
Qorista afkaartaada inta aadan seexan waxa aad ka helaysaa hurdo wanaagsan oo tayo leh maskax degan iyo caafimaad qab jidheed, hadaba qor waxyaabahan inta aadan seexan amaba hurdada kahor habeenkii.
- Waxyaabaha iyo goolasha aad barri qabanayso haddii Alle nafta kuu daayo
- Waxyaabihii aad ku guulaysatay maalintaadii dhamaatay qabashadooda
- Afkaarta madax xanuunka leh amaba kugu lidka ah si aad uga nasato.
Waxa aad heli doontaa maan fayow iyo maskax caafimaad qabta.
3- KU BARO ONLINE XIRFAD CUSUB 30 MINIT OO MAALINTAADA KAMIDA
Barashada xirfad cusub marwalba waxa ay kaa caawinaysaa korodhka miisaaniyadaada iyo koboca garaadkaaga iyo darajooyinkaaga kala duwan ee nolosha, halkan aan kugula wadaago qaar kamida xirfadaha ugu waawayn uguna baahida badan dunida aadna ku badhaadhi doonto haddii aad barato
- Coding: baro sida loo aasaaso website, application iyo softwares kala duwan adiga oo baranaya luuqadaha kala duwan ee qorista codes-ka
- Youtube: baro habka iyo qaababka kala duwan ee wax looga baadho shabakadda youtube iyo qaababka wax looga barto adiga oo aan wax qarash ah bixin.
- Copywriting: baro sida loo qoro xuquuqaha iyo maqaalada sharciga ah ee ay u baahanyihiin shirkadaha iyo ganacsatada kala duwan.
- Digital Marketing: baro qaabka suuq gaynta casriga ah ee online
- Graphic Design: baro noocyada kala duwan naqshaydaynta.
4- KU BIXI 1 SAAC OO WAKHTIGAAGA KAMIDA JIMICSI
Jimicsigu wuxuu kamidyahay waxyaabaha kor u qaada heerka badqabka caafimaad ee jidhka iyo maskaxda, jimicsi samee maaliwalba wakhtigaaga hal saac oo kamida adiga oo u samaynaya qaababka kala duwan jimicsiga.
5- FADHIISO CIDLO OO AAMUSNOW 10 MINIT OO MAALINTAADA KAMIDA
Maskaxdaadu waxa ay lagdan iyo orod kula jirtaa kumanaan afkaar oo maskaxdaada ka dhex loolamaya daqiiqad kasta oo wakhtigaaga kamida markaa isku day in aad nasiso oo aamusnaan iyo deganaan aad siiso daqiiqado kamida wakhtigaaga.
6- U SAMEE HURDADAADA WAKHTI CAYIMAN
Hurdadu waa kaalin wayn oo kamida dhaqdhaqaaqa noloshaada, hurdada waxa aad ka helaysaa awood, badqab caafimaad, maan fayow, dhimitaanka werwerka iyo murugada iyo hagaajinta diiradaada hadaba samee waxyaabahan si aad u hesho hurdo tayo leh.
- Iska ilaali wax shaashad ah ka hor laba saac xiliga hurdada sida mobile, computer ama tv.
- Iska ilaali cunto iyo cabitaan aan biyo ka ahayn kahor laba saac xiliga hurdada
- Ka dhig qolkaaga ama meesha aad seexanayso meel habaysan oo degan iskuna qasnayn.
7- KU QAADO 30 MINIT OO WAKHTIGAAGA KAMIDA SOCOD LUG AH BEER AMA MEEL DHIR LEH DHEXDEEDA
Tani waxa ay kaa caawinaysaa in aad xal u hesho werwerkaaga nololeed, diiqada ama murugada iyo sidoo kale in aad farxad ka hesho jawigaas degan maskaxdaaduna degto afkaar wanaagsana aad hesho.
8-AKHRI UGU YARAAN 20 BOG BUUGAAG AMA QUR'AAN MAALINTII
Wax akhrisku waa wax muhiim u ah garaadkaaga iyo koboca heerkaaga aqooneed akhri 20 bog ugu yaraan maalin kasta siaad u saxdo diiradaada una kobciso heerka aqoontaada sida oo kale aad u hesho kalsooni nafeed.
9-BADI CABITAANKA BIYAHA MARWALBA
Biyuhu waa qayb kamida nolosheena iyo daryeelka caafimaadkeena maskaxeed iyo jidheedba cab maalin walba biyo kugu filan ugu yaraan 1 litir xili walba oo aad wax cunayso, waxaa koraya maskaxdaada, caafimaadkaaga iyo heerka xasuustaada.
23 February 2023
Translated from Unkown
Comments
Post a Comment